CBCS a laga
traha moneda
pa CNSJazz
Festival 2013

E siman aki Banko Sentral di Kòrsou i Sint Maarten a duna presidente Gregory Elias di Fundashon Bon Intenshon pèrmit pa hasi promoshon pa bende un moneda spesial di 5 florin den kuadro di Curaçao North Sea Jazz Festival ku e fin di siman aki ta yega su kulminashon.

Na esun banda di moneda ta potretá na koló un saksofonista ku e logo di Curaçao North Sea Jazz Festival. E teksto ku ta kompañ’é ta: “CURAÇAO NORTH SEA JAZZ FESTIVAL 2013” i “5 GUILDERS”. 


 

E preis di benta pa e moneda produsí spesialmente pa e evento grandi aki ta stipulá na 30 dòler (Merikano). E moneda ta na benta na Banko Sentral (aki na Kòrsou na Skalo) i despues posiblemente tambe na e bankonan komersial i na okashonnan ku lo anunsiá.