Èkstra tarima
Curaçao North
Sea Jazz
i nòmbernan nobo!

Anteriormente ya a anunsiá un kantidat di nòmber bunita pa Curaçao North Sea Jazz pero awe nos por anunsiá ainda mas. Nada ménos ku e íkono di Jazz Sonny Rollins, ta bini Kòrsou.

Anteriormente ya a anunsiá un kantidat di nòmber bunita pa Curaçao North Sea Jazz pero awe nos por anunsiá ainda mas. Nada ménos ku e íkono di Jazz  Sonny Rollins,  ta bini Kòrsou. E ta e tenorsaksofonista di époka di Bop i te ainda e ta presentá tur kaminda na mundu.  For di Afrika Oumou Sangaré su presensia ta konfirmá. E kantante femenino ganadó di Grammy Award-for di Mali ta trese músika ku ta krítiko riba sosiedat. E ta presentá tur kaminda na mundu, bende sentares di mil álbum i por mir’é fin di ougùstùs riba tarima di CNSJ.

E kantante yu di Kòrsou Kris Berry a deskubrí ya na edat hóben músika. Patsy Cline i Nina Simone tabata su gran ehèmpelnan. Ku su meskla ku ta chispa di zonidonan karibense, ‘country’ kremoso i ‘Rhythm & Blues’ ku ta swing  pa bira un strea ku ta subiendo. Meskos ta e kaso ku Mud Morganfield ku ta bini festival. No ta pòrnada ta yama Larry ‘Mud’ Morganfield ‘Muddy Waters Jr.’ E ta yu mayó di di e tata legendario Father of Chicago Blues. Anto pa kolmo e pars’ é masha hopi mes, tantu di aparensia komo pa loke ta trata stèm.

Kantoutor Sabrina Starke a nase na Sürnam i a krese na Rotterdam. Su álbum Yellow Brick Road  a mira lus na 2008 i Blue Note/EMI a pon’é den su filanan. E tabata no ménos ku 52 siman ininterumpí riba e lista di álbum i el a keda koroná ku platina. Ademas di esei Sabrina a risibí un Edison Pop Award.  Kantante di Jazz- i Soul  Sherry Dyanne ta yama ku su stèm rekuerdonan na kantantenan manera Billie Holiday i Dinah Washington.

Kizzy McHugh ta un kantante hulandes, aktris i presentadó. Pero el a lanta i krese na Kòrsou. El a haña rekonosimentu i atenshon na 1996, despues ku el a partisipá na e Songfestival nashonal i tambe el a representá Kòrsou na e Festival di Kanto karibense, kaminda el a sali de dos finalista.  Ela gradua for di e conservatorium Berklee College of Music na Boston.

Pa Brakkeput Mei Mei,  José James  ta konfirmá.  E kantante multifasétiko a bira konosí na 2008 ku su álbum The Dreamer. E reseñanan tabata den ékstasis i despues di un kantidat di presentashon den klupnan, ya e mesun aña ei e tabata riba tarima di North Sea Jazz Rotterdam. Mesun tantu atenshon i elogio na 2010 su cd For All We Know a kosechá. E revista  Downbeat a titul’ é na 2011 komo  'Rising Star Best Male Vocalist'.

Banda di tur e artistanan konfirmá tin di konta tambe tokante e ‘set-up’ nobo di e festival. E aña akí lo tin kuater tarima pa Curaçao North Sea Jazz. Banda di e tradishonal tarimanan Sam Cooke, Sir Duke i Celia ta bini aserka un tarima mas chikitu yamá Etta James. E kantante merikano di Rhythm and Blues, Etta James konsiderá komo un di kantantenan mas grandi di su generashon. E tabata un inspirashon pa hopi otro kantante R&B, pero tambe pa por ehèmpel  Janis Joplin i Adele. E tarima èkstra ta bini na lugá kaminda den e promé dos edishonnan e tarima Sir Duke tabata pará.

Aña pasá a inkorporá e playa na tereno di e festival i a pone e tarima Sir Duke ei. E ekspanshon akí a resultá un gran éksito pero a bin resultá tambe ku a sobra espasio pa un tarima mas chikitu. 

Benta di karchi ta kuminsá djaluna 8 di aprel na e lugánan di benta konosí  i kustumbrá.

Pronto nos lo informá tokante esnan ku lo klousurá e anochinan djabièrnè i djasabra i además dos aktuashon grandi èkstra. Nos ta na punto di kaba di konfirmá un grandesa den ramo di  mundu di Gospel pa djadumingu 25 di ougístus na Brionplein. P’esei keda pendiente!!!