Curacao
North Sea
Jazz 2017
kanselá tòg

Lo no bai tin Curaçao North Sea Jazz Festival den 2017. Ku doló den nan kurason Fundashon Bon Intenshon i Mojo Concerts a disidí pa kanselá e evento e aña aki. Den un intento di nobo pa pone un bon programa den otro, kaminda no a spar ni esfuerso ni sèn, no a logra pa haña artistanan grandi pa e wikènt di e edishon di 2017.

Fin di aña pasá pa mésun motivo FBI i Mojo a kanselá festival di 2017. Djis despues a disidí den koperashon ku algun stakeholder lokal, pa hasi un intento pa tòg pa organisá e festival e aña aki. E organisashon a hasi todo por todo pa logra nan meta, pero sin e resultado deseá.

Konsiderando e interesnan tantu privá komo públiko, Fundashon Bon Intenshon ta aspirá un vishon konsistente i riba tèrmino largu na nivel internashonal tòp. Den e kuadro aki ta inevitabel, ku ta opta pa kanselá e festival ora bo no por haña artista grandi (main act). Mester mantené e bon nòmber i imahen di e festal tantu lokal komo internashonalmente.

Despues di a evaluá tur posibilidat i konsiderando e aporte di plaka di komunidat, no a keda e organisashon otro desishon di pas e aña i dirigí tur atenshon riba e edishon di 2018.