Usher Ta Kanselá,
Prince Ta
Bin Curaçao
North Sea
Jazz

Pa sirkunstansianan personal, Usher a kanselá su konsierto pa Curaçao North Sea Jazz 2013. Afortunadamente nos por anunsiá ku e legendario Prince, lo subi stage Sam Cook djasabra anochi.

His Purple Highness a nase na 1958 komo Prince Rogers Nelson, yu di un mama pianista/kompositor i tambe kantante di jazz. Na edat di 7 aña el a siña su mes toka piano i a komponé su promé piesa. For di prinsipio di añanan 80, ku su éksitonan a kuminsá, Prince a bira un piesa klave den historia musikal: e tin un lista impreshonante di éksito riba su nòmber – tantu na komposishonnan propio, komo komposishonnan di otronan. El a bende mas di shen mion disko rònt mundu. Fuera di esei el a risibí shete (7) Grammy, un Golden Globe i un Academy Award.

Restitushon
Si pa motibu di kanselashon di e konsierto di Usher bo disidí ku bo no ta bai e konsierto di djasabra 31 di ougùstùs, nos ta ofresé bo e posibilidat di entregá bo karchi di entrada pa asina bo risibí bo sèn kompletu ($ 195,- òf Nafl. 354,90) bèk. Pa esaki nos ta pidi bo pa bo bai Box Office na WTC riba e siguiente dia i ora:

- Djárason 28 ougùstùs di 10.00 di mainta pa 6.00 di atardi
- Djaweps 29 ougùstùs di 10.00 di mainta pa 6.00 di atardi
- Djabièrnè 30 ougùstùs di 10.00 di mainta pa 12.00 mèrdia

Pa esnan internashonal ku a kumpra nan karchi via Ticket Master, nos lo tuma kontakto ku nan personalmente via e-mail kon nos lo bai restituí nan nan sèn.