Djabièrnè
31 Ougùstùs

Sting & Shaggy

Sting  ya pa hopi dékada ta un di e nòmbernan musikal di mas grandi mei mei di género di músika, pa e simpel echo ku el a risibí no ménos ku 16 galardon Grammy Awards i di por a bende en total kasi 100 mion di álbum huntu ku The Police i komo guitarista solista. E artista hamaikino Shaggy a hasi un hasaña riba su mes pa fortalesé popularidat di e ritmo di reggae i di dancehall, ku éksitonan manera Oh Carolina, Mr. Boombastic, It Wasn’t Me i e piesa Angel. Aunke ku na promé bista kisas lo bo haña impreshon ku e kombinashon di e dos personanan akí ta parse di ta un kombinashon no realístiko, de fakto i en realidat e kombinashon di e dos personanan akí a resultá di ta musikalmente un kombinashon musikal perfekto. E plan original ku Sting lo a kontribuí den un di e númeronan di Shaggy a resultá den e piesa Don’t Make Me Wait, ku a bira tambe e promé disko sengel kaminda  nan dos a toka huntu. E kombinashon akí a kai den asina bon tera, ku Sting i Shaggy a kontinuá ku e racha triunfante akí. E resultado tabata: nan álbum nobo tokando nan dos huntu ku ta hiba komo título 44/876 ku un sentimentu realmente isleño. E verano akí Shaggy i Sting huntu ta bai hasi un gira dor di kontinente  europeo pa diferente lokashon históriko.   

Jason Derulo

Promé ku el a skor ku éksitonan bou di su propio nòmber, ya kaba e kantante, compositor i bailarin aki Jason Derulo a skirbi éksitonan pa otro artista. Despues di e piesanan pa e nòmbernan di artista ku ta zona, nòmbernan manera Lil Wayne, Pitbull, Diddy i Sean Kingston e mes a resultá famoso na 2009 ku su promé disko sengel Watcha Say qku a resultá di ta direktamente na Merka number un. Entre tanto Derulo a bende mas di 50 mion ehemplar ku 27 bes a bin resultá den platina, e bistasonan riba You Tube i streams i Spotify ya pa basta tempu a surpasá borde di mil mion. El a traha huntu ku hopi otro artista k uta varia entre e rapero The Game i den e asina yamá country duo Florida Georgia Line ku e dj Hardwell i tambe hasta ku Stevie Wonder. E año aki Derulo su di sinku álbum di studio 777 ta bai sali. Segun ku por komprondé ta e plan pa present’é den tres parti di shete piesa. E promé parti ya a keda presentá aña pasá.           Swalla, un kooperashon ku Nicky Minaj i Ty Dolla $ign.    

Sean Paul

Sean Paul Ryan Francis Henriques, mihó konosi ku solamente su promé dos nòmbernan, a nase na Kingston Jamaica. Frankamente e tabata na kaminda pa e tin un futuro komo landado, meskos ku hopi di su famianan Paul tabata hunga for di su 13 aña di edat te su bintiun aña den e ekipo nashonal di polo akuátiko, pero el a skoge despues sinembargo pa músika. Despues de su promé éksito Gimme The Light el a haña popularidat i a bira famoso na 2003 ku e piesa Get Busy i el a ripití esaki ku e piesanan We Be Burnin' i Temperature. Kooperando ku diferente otro artista el a sigui su ruta di éksito, di e manera ei el a bira eksitoso ku  Beyoncé Baby Boy, Enrique Iglesias Bailando, Sia Cheap Things i hopi otro mas.  Entre tanto Sean Paul a para bira un di e artistanan di salón di baile mas grandi di e época aki. Su último álbum Full Frequency a sali na 2014. Awor ta pa warda i spera riba su di shete disko di studio.

Damian "Jr. Gong" Marley

Damian “Jr. Gong” Marley ta e yu mas chikitu di Bob Marley; e tabatin apenas dos aña dia su famoso tata a fayesé. Pero loke sí a pasa ta ku el a heredá e kualidatnan musikal di su dos mayornan: su mama Cindy Breakspeare ta un artista di Jazz di Jamaika, i ku anteriormente tabata modelo i tambe Miss Mundu di aña 1976. Damian a haña e nòmber di kariño  ‘Jr Gong’ na honor di su tata Bob, o sea ‘Tuff Gong’. Damian a kuminsá  produsí músika na edat hóben i el a lanta tempu ku e tabatin 13 aña su promé banda musikal. Damian ta deskribí su músika komo ‘dancehall’ (salon di baile) i reggae i el a saka na 1996 su promé álbum Mr. Marley. Na 2011 e tabata forma parti di e  super grupo SuperHeavy, ku e otro integrantenan Mick Jagger, Dave Stewart i Joss Stone. Marley a saka na yuni di aña 2017 su di kuater álbum Stony Hill , ku a sòru pa e haña su di tres Grammy tras di otro miéntras ku esaki a bin resultá di ta e Mihó Album di  Reggae.

Patti LaBelle

Patti LaBelle, ku tin su nòmber di kariño “The Godmother of Soul” ( Madrina di Jazz), a bende riba henter mundu mas di sinkuenta mion álbum atrabes di un karera ku ta surpasá un temporada di sinkuenta aña. LaBelle a kuminsá su karera musikal komo e kantante prinsipal di e grupo Patti LaBelle and the Bluebelles. Despues ku na prinsipio di añanan setenta nan a kambia di nòmber den Labelle, e grupo a saka e disko ku entre tanto a para bira ikóniko Lady Marmalade, ku a bin resultá den un hit mundial. Aña pasá Patti LaBelle a saka su promé álbum di Jazz. Bel

Kamasi Washington

Saksofonista, kompositor, direktor di orkesta I produktor Kamasi Washington a krese na Los Angeles ku su mayornan ku tabata masha musikal i ya for di chikitu e tabata okupá su mes ku muzik. El a sigui diferente kurso musikal i tempu ku e tabata na skol sekundario el a lanta e banda The Young Jazz Giants (E Gigantenan Hóben di Jazz), un kuarteto ku tabatin entre otro e bahista Thundercat di kua e otro miembronan di e grupo te ainda ketu bai ta formando ainda e base regular di su banda aktual. Ku su disko tripel The Epic el a hasi na aña 2015 un debut di kita sombré ku a enkantá e krítikonan masha tantu mes. Ademas di esaki  el a duna un kontribushon grandioso na e proyekto To Pimp A Butterfly, e álbum eksitoso di Kendrick Lamar. Washington gusta traha ku otro músiko: huntu ku entre otro e bahista Miles Mosley e ta forma parti di e agrupashon West Coast Get Down, un kolektivo influyente di músiko di jazz na siudat di Los Angeles na Merka.  

Spyro Gyra

E banda merikano e asina yamá jazzfusionband Spyro Gyra a keda fundá na 1974 na Buffalo, New York. Di e sinku miembronan original di e banda solamente a keda aktualmente e saksofonista Jay Beckenstein i e teklista Tom Schuman. E banda a bira popular dor di su di dos álbum Morning Dance ddi aña 1979, ku a  alkansá e título di platina ku su dos piesanan mas konosí ku ta hiba nòmber di e título di e pista i nòmber di e piesa Song for Lorraine. Entre tanto Spyro Gyra a produsí trinta álbum i a bende mas ku dies mion di ehemplar. E banda ta hasi un kombinashon di R&B huntu ku elementonan di músika pop i músika karibeño ku jazz i esaki ta funshoná, Billboard a anunsiá nan komo e artistanan di jazz mas eksitoso di añanan 80. Durante añanan konstelashon di e banda a kambia, pero danki na e hecho ku Beckenstein i Schuman ketu bai ta forma e kurason, su sonido rekonosibel a keda intakto. E konstelashon actual ta konsistí tambe di e bahista Scott Ambush, guitarrista Julio Fernandez i e baterista Lionel Cordew.