Djaweps
30 Ougùstùs
Silvestre Dangond
E kantante kolombiano i tambe instrumentalista Silvestre Dangond a popularisá ku su propio vershon nobo di vallenato, un estilo de músika tradishonal prosedente di e parti karibeño di Colombia. E mes ta bisa ku el a heredá su talento di su mayornan, su tata ta un kantante amateur William José El Palomo Dangond Bsaquero i su mama, Dellys Corrales Rojas a pasa su karisma p’e. Miéntras e tabata kresiendo den un famia musikal Silvestre na edat hóben a kuminsá ku presentashonnan i di e manera aki el a desaroyá pa bira un bon kantante i tambe un bon timbalero. Despues ku el a kaba skol, el a disidí di hasi su karera den muzik. El a forma primeramente un ekipo ku su akordeonista Ramón López i después ku akordeonista Juancho de la Espriella i kuné el a traha shete álbums eksitoso i rápidamente esei t bira e akto principal di vallenato di e país. For di La 9a Batalla, su álbum di 2013, Dangond ta un artista solista, pero e ta keda komandá e listanan di éksito. Su último álbum Gente Valiente a mira lus aña pasá
Farruko
Farruko, su nòmber bèrdadero ta Carlos Efren Reyes, nasé na Puerto Rico, ta un kantante di músika pòp di reggaetòn i di mes di músika Latino. Ya na edat di 16 aña el a kuminsá bou di su number artístiko pone su piesanan musikal riba MySpace. Su promé disko sengel Sexo Fuera Del Planeta, a yama hopi mil siguidó. Dor di su enorme éksito riba internet e promotornan di radio di Puerto Rico i e otronan di industria di músika a bin deskubrié, i di e forma aki el a keda inkorporá pa fia su vokalnan na otro artista. Su álbum di debut El Talento Del Bloque a sali tempu e tabatin edat di 18 aña ku a bin resultá di bira un gran éksito musikal. Despues di un di dos álbum i giranan largu dor di Amérika Latino i Merka kaminda el a gana un gran fanatikada, na paisnan manera Venezuela i Colombia, Farruko a kuminsá atrobe ku su grabashonnan di disko. Entre tanto ya e tin komo seis álbum na su nòmber i el a keda nominá vários bes pa haña Latin Grammy Awards ( Galardon di Grammy Latino). Na 2017 a sali su último álbum , TrapXficante ku ta kontené un meskla di reggaeton i pop urban ku un tinto fuerte di trap latino.
