India.Arie

Soul - R & B

sab  1 september 2012
00:30 - 01:15
Sir Duke

Read

India.Arie

India.Arie ku rason ta sali for di un nèshi musikal: su mama ya tempu ku e tabata tiner a firma ku e label Motown. Durante su hubentut India mes a eksplorá bastante instrumento, pero el a kuminsá skirbi kansion i toka kitara na manera serio después di su añanan na skol sekundario na Atlanta. E cd ku el a debutá kuné ‘Acoustic Soul’ ta ser konsiderá komo e mihó disko di soul di 2001 i el a gana kuné no ménos ku shete nominashon pa Grammy. Meskos e susesor ‘Voyage To India’ tabata eksitoso, pero te na e di tres álbùm numa, ku ‘Testimony: Vol. 1, Life & Relationship’ di aña 2006, el a alkansá e promé lugá. Ta duna e kantante su fama meresí pa su sonidonan kalor i su tekstonan inspirativo ku ta deskribí su propio bida meskos ku nan ta atendé ku asuntunan sosial di den komunidat. Di fuentenan no konfirmá India ta presentá den zomer benidero un álbùm nobo riba merkado, kaminda e ta traha ku un kantante di Israel Idan Raichel.