Natalie Cole

Vocal Jazz

sab  4 september 2010
19:30 - 20:45
Celia

Read

Natalie Cole © 2009 Kwaku Alston
Natalie Cole ya for di edat hóben ya e tabata presentá riba esenario ku su tata, e legendario Nat ‘King’ Cole. Komo kantante Pòp el a skor den añanan 80 hitnan manera entre otro Pink Cadillac i Miss you like crazy. Su álbùm mihó bendí ta mira lus na aña 1991 ku Unforgettable...With Love. E álbùm ku partinan di repertorio stándart di su tata, pa simannan largu tabata komo number un na Merka i a keda koroná i premiá ku no ménos ku seis Grammy Award. Tabata te 2009 ku el a trese e kontinuashon di esaki, pero Still unforgettable tabata bal la pena warda. El a lora su stèm suave i sutil rondó di 14 piesa stándart kuidadosamente skohé, entre nan e mágiko Walkin my baby back home di defuntu su tata, ku a graba e piesa ei den añanan 50. Banda di esei el a selektá e biaha akí tambe piesanan di Frank Sinatra, Lena Horne, Sammy Davis Jr i Peggy Lee. “Mi a penetrá hundu den e asina yamá American Songbook, en buska di piesanan tokante bida. Komo kantante nan ta bai ku mi i mi públiko riba un biahe atraktivo”.