Nos músikonan lokal tambe lo bria durante di e dos anochinan di e di tres edishon di Curaçao North Sea Jazz Festival. Bahista Hershell Rosario lo aktua djabièrnè anochi Hershell Rosario mei mei di tur e grandinan internashonal ku ya kaba a keda anunsiá aki. E ta konsiente kiko ta spera di dje i ta preparando su mes di un manera  tremendo.

Hershell Rosario, yu di Kòrsou, por ser konsiderá komo un di karanan prinsipal di jazz riba nos isla. Den e dos edishonnan anterior ya e la forma parti tur dos aña den bandanan lokal ku a aktua durante di e anochinan. E konosé nos ritmonan hopi bon i a yega di kombiná esakinan ku e ritmo di jazz. Huntu ku Luis Salinas su konsierto ta primintí di bira algu memorabel.

Pa su aktuashon, Hershell a disidí di konvoká algun músiko lokal, manera entre otro Ced Ride, ken lo interpretá un di su piesanan konosí den forma di un bolero jazz; tambe Hershell a invitá Ronchi Matthew, konosido pianista, ku ken e ta toka regularmente.

Pa demostrá su parti internashonal, Hershell a invitá e konosido gitarista Argentino Luis Salinas, pa kompañ’é durante di e konsierto aki. Ya na algun okashon Hershell Rosario a forma parti di un grupo di músiko lokal ku a kompañá Luis Salinas durante su gira pa Venezuela i Costa Rica. E resultado, un sabor musikal lokal/internashonal durante di e di tres edishon di Curaçao North Sea Jazz,  p’asina nos saboreá ainda un tiki mas.

Un ratu pasá a bira konosí ku Alicia Keys tambe ta bin partisipá na  Curaçao North Sea Jazz komt. Ku Alicia Keys komo último ‘headliner’ konfirmá, e organisashon por ta orguyoso riba un programa fantástiko. Ku Alicia Keys, Maná, Santana, Marcus Miller i e tantísimo otronan mas, e espektativanan pa e di tres edishon di Curaçao North Sea Jazz ta altísimo.

Alicia Keys ta ganadó di 14 Grammy Awards® , denominá komo: kantante/ kantoutor/produktor/ aktris/ pa New York Times e outora i empresario di mayó benta. For di su debut “Songs in A Minor’ Keys a logra traha un repertorio di hit inigualabel i a bende rònt mundu mas ku 30 mion álbum. Komo aktris el a kousa un asina yamá “buzz” pa medio di aktuashonnan den Smokin’ Aces’, The Nanny Diaries en The Secret Life of Bees. Na 2011 Keys a hasi su debut komo direktora di pelíkula ku e obra Lili, pa Lifetime’s Five, un antología di sinku pelíkula kòrtiku tokante kánser na pechu. Keys tambe a hasi su debut komo produktora na 2011, ku e obra teatral Stick Fly di Lydia R. Diamond pa Cort Theater. Pa e obra teatral akí el a komponé tambe e muzik original. Su promé buki Tears for Water: Songbook of Poems & Lyrics by Alicia Keys, a kombertí Keys pa New York Times un outora ‘Bestselling’. Komo filántropo Keys tabata ko-fundadora di Keep a Child Alive (KCA) i e ta e  embahadora pa henter mundu.

CURAÇAO NORTH SEA JAZZ FESTIVAL
Djabièrnè 31 di ougùstùs ku e.o. Santana, Rubén Blades, Jill Scott, Sergio George’ All Star Salsa Friends, Buika, Caro Emerald i Dizzy Gillespie All-Star Big Band dirigí pa Paquito D’Rivera, Allen Toussaint’s  "The Bright Mississippi" featuring Don Byron & Marc Ribot
Djasabra 1° di sèptèmber ku e.o. Alicia Keys, Maná, Randy Crawford & Joe Sample Trio, Waylon, Paquito D’Rivera Septet, India.Arie, Joshua Redman ku Aaron Parks, Matt Penmand i Eric Harland: James Farm, na

World Trade Center, Piscadera Bay.

Dia 26 di ougùstùs Brionplein: Kirk Franklin & The Family (konsierto grátis)
Dia 27 di ougùstùs Brionplein:  Richie Ray & Bobby Cruz (konsierto grátis)
Djárason 29 di ougùstus Mambo Beach: Alain Clark pre-benta Nafl.52,50, e anochi ei mes: Nafl.60,00
Djaweps 30 di ougùstùs Brakkeput Mei Mei: Gregory Porter entrada Nafl. 45,00

 Benta di karchi pa Curaçao North Sea Jazz Festival a kuminsá awor ofisialmente. Karchinan ta optenibel na e diferente puntonan di benta:

Lokalmente  via 522-JAZZ  i na e puntonan di benta Mensing Caminada, Mobile Planet, Tik-Tak, 24 Uur Uit de Muur.  

Internashonalmente bo por kumpra karchi via www.caribbean.nl òf www.ticketmaster.com. Den kaso ku bo ke kumpra karchi inkluso i akomodashon pa bishitante bo por regla esei mihó via www.caribbean.nl. Bo tin eskoho for di e oferta mas grandi di hotèl i apartamento na Kòrsou. Tambe tin servisio èkstra reglá di tumamentu direkto di karchi di festival na yegada na aeropuerto òf hotèl i transporte pa hotèlnan.

Karchi di entrada ta $ 195.00 òf Nafl 354.90, inkluso ob pa dia.

Curaçao North Sea Jazz Festival ta hasí posibel pa: Fundashon Bon Intenshon

Konfirmashon di Marcus Miller i Allen Toussaint’s "The Bright Mississippi". Miéntras ku Gregory Porter ta bai toka na Brakkeput Mei Mei anto  Alain Clark ta na Mambo Beach.

E line-up pa Curaçao North Sea Jazz festival ta kasi kompletu awor ku Marcus Miller a konfirmá pa djasabra i Allen Toussaint’s "The Bright Mississippi" featuring Don Byron & Marc Ribot ta toka riba djabièrnè. Tambe ta konosí ku Gregory Porter ta presentá djaweps 30 di ougùstùs na Brakkeput Mei Mei miéntras ku Alain Clark ta duna un konsierto e dia promé na Mambo Beach.

Marcus Miller ya pa hopi aña no por keda sin konsider’é den e tòp di esenanan di Jazz di awendia. Aunku ku esun mas konosí ta e basista Miller alabes tambe un gran kompositor, produktor i multi-instrumentalista. E ta un músiko di seshon hopi pidí i e ta tokando riba mas di 500 álbùm, entre otro esun di Michael Jackson, Wayne Shorter, Frank Sinatra i Aretha Franklin. Miller a gana un kantidat konsiderabel di Grammy Awards; komo produktor, pero tambe pa su solo-album ‘M2’.

Un di e grandinan di New Orleans, asina nos por yama i denominá sigur Allen Toussaint. E leyenda di R&B di 74 aña ta konosí komo produktor, kompositor, pianista di seshon, areglista i artista solista. El a traha ku un kantidat enorme di artista i el a skirbi un monton di hit. Pa su último álbùm, The Bright Mississippi di aña 2009, produsí pa Joe Henry, Toussaint a risibí e aña despues un nominashon di Grammy. E aña akí a inkluí Toussaint den Blues Hall of Fame. Na Curaçao North Sea Jazz e ta toka ku klarinetista  Don Byron i guitarista Marc Ribot.

Alain Clark a haña popularidat na Hulanda ku su álbùm ‘Live It Out’ di aña 2007. Su di dos single Father And Friend, un duèt ku su mes tata Dane, a bira un gran hit. Su di dos álbùm na ingles ‘Colorblind’ a aparesé na 2010 i a konfirmá definitivamente e státùs di Clark komo un di e artistanan ku mihó benta na Hulanda. Pero tambe pafó di Hulanda e ta opheto di atmirashon: despues ku el a firma un dil estranhero, a presentá su muzik tambe na entre otro Gran-Bretania. Otro luna Clark ta saka su di kuater álbùm ku yama: ‘Generation Love Revival’. Djárason 29 di ougùstùs e ta duna un konsierto na Mambo Beach.

Komo tiner Gregory Porter tabata un hungadó di futbòl merikano promotedor, te na e momento ku un leshon na skouder a pone un fin na su karera deportivo. Afortunadamente e por a disponé di ainda un gran talento: su bos bunita i kaluroso.  Despues ku el a kuminsá ku presentashon den klupnan chikitu di Jazz, entre tantu Porter ta famá komo nòmber kresiente den “vocal jazz i soul”. Na 2010 el a presentá ku éksito su álbùm debutante ‘Water’ anto el a keda nominá pa un Grammy Award den e kategoria Best Jazz Vocal Album. Anteriormente e aña akí e susesor a aparesé ‘Be Good’, ku a haña por lo ménos mes tantu krítika di elogio. Despues ku a buk e kantante akí aña pasá i e aña akí na Rotterdam North Sea Jazz, awor e ta bin presentá su arte na Kòrsou.

CURAÇAO NORTH SEA JAZZ FESTIVAL
Djabièrnè 31 di ougùstùs ku e.o. Santana, Rubén Blades, Jill Scott, Sergio George’ All Star Salsa Friends, Buika, Caro Emerald i Dizzy Gillespie All-Star Big Band dirigí pa Paquito D’Rivera, Allen Toussaint’s "The Bright Mississippi" featuring Don Byron & Marc Ribot.
Djasabra 1° di sèptèmber ku e.o. Maná, Randy Crawford & Joe Sample Trio, Waylon, Paquito D’Rivera Septet, India.Arie, Joshua Redman ku Aaron Parks, Matt Penmand i Eric Harland: James Farm, Marcus Miller na World Trade Center, Piscadera Bay.

Djadumingu 26 di ougùstùs Brionplein: Kirk Franklin & The Family (konsierto grátis)
Djaluna 27 di ougùstùs Brionplein: Richie Ray & Bobby Cruz (konsierto grátis)
Djárason 29 di ougùstùs Mambo Beach: Alain Clark prebenta na rason di Nafl.52,50, e anochi ei mes: Nafl.60
Djaweps 30 di ougùstùs Brakkeput Mei Mei: Gregory Porter entrada Nafl. 45

Benta di karchi pa Curaçao North Sea Jazz Festival a kuminsá awor ofisialmente. Karchinan ta optenibel na e diferente puntonan di benta:

Lokalmente  via 522-JAZZ  i na e puntonan di benta Mensing Caminada, Mobile Planet, Tik-Tak, 24 Uur Uit de Muur.

Internashonalmente bo por kumpra karchi via www.caribbean.nl òf www.ticketmaster.com. Den kaso ku bo ke kumpra karchi inkluso i akomodashon pa bishitante bo por regla esei mihó via www.caribbean.nl. Bo tin eskoho for di e oferta mas grandi di hotèl i apartamento na Kòrsou. Tambe tin servisio èkstra reglá di tumamentu direkto di karchi di festival na yegada na aeropuerto òf hotèl i transporte pa hotèlnan.

Karchi di entrada ta $ 195.00 òf Nafl 354.90, inkluso ob pa dia.

Curaçao North Sea Jazz Festival ta hasí posibel pa: Fundashon Bon Intenshon

Djasabra 1° di sèptèmber e banda di rock mehikano Maná lo presentá riba esenario di Curaçao North Sea Jazz!  E raisnan di e banda di rock mehikano Maná ta bai bèk te 1975, tempu ku un formashon anterior tabata toka bou di e nòmber Sombrero Verde. Komo agrupashon Maná, nan a skor na 1991 nan promé hit ku Rayando el Sol, di e di dos álbùm 'Falta Amor'. E banda tabata intensivamente i kontinuamente riba gira i a haña e próksimo éksito ku e siguiente álbùm 'Donde Jugarán Los Niños?' di aña 1994, ku a bombardeá nan den streanan di rock. For di 1997 nan fama a sigui krese na Merka i restu di mundu, danki na un seshon di MTV Unplugged  den kolaborashon ku Carlos Santana riba su álbùm 'Supernatural'. Entretantu e banda tin kuater Grammy, shete Latin Grammy i sinku MTV Award Latino Amerikano riba su nòmber i mundialmente nan a bende mas ku 25 mion álbùm. Nan último, e tan esperá  'Drama Y Luz', a aparesé na 2011.

Anteriormente ya nos por a anunsiá entre otro Santana, Rubén Blades, Randy Crawford & Joe Sample Trio. Benta di karchi ta start ofisialmente 2 di aprel benidero, pero ya ta posibel pa reservá karchi di entrada via   522-JAZZ of www.caribbean.nl.

CURAÇAO NORTH SEA JAZZ FESTIVAL
djabièrnè 31 ougùstùs ku e.o. Santana, Ruben Bladés, Jill Scott, Sergio George’ All Star Salsa Friends, Buika, Caro Emerald en Dizzy Gillespie All-Star Big Band lead by Paquito D’Rivera.
Djasabra 1° sèptèmber ku e.o. Maná, Randy Crawford & Joe Sample Trio, Waylon, Paquito D’Rivera Septet, India.Arie, Joshua Redman with Aaron Parks, Matt Penmand and Eric Harland: James Farm,
World Trade Center, Piscadera Bay.

Konsierto grátis:
Djadumingu 26 di ougùstùs Brionplein: Kirk Franklin & The Family
Djaluna 27 di ougùstùs Brionplein:  Richie Ray & Bobby Cruz

Benta di karchi pa Curacao North Sea Jazz ta kuminsá djaluna 2 di aprel benidero, pero ya ta posibel pa reservá entrada via 522-JAZZ òf www.caribbean.nl

Karchinan ta optenibel na e puntonan di benta: Mensing Caminada, Mobile Planet, Tik Tak(solamente credit card i maestro), 24 Uur Uit de Muur (credit card, maestro i kèsh). E posibilidat ta eksistí pa for di 1° di febrüari pa kuminsá reservá karchi via 522-JAZZ. Pago na kuota ta posibel ku nafl 15.00 na gastu di atministrashon èkstra.  Karchi ta $ 195.00 òf Nafl 354.90, pa dia inkluso ob.

Areglo di biahe(tambe karchi di entrada) ta for di 25 di febrüari na benta via nos partner di biahe eksklusivo  Does Travel & Cadushi Tours: www.caribbean.nl

Bishitantenan internashonal por hasi reservashon di karchi lòs di festival i reservá i paga nan akomodashon ‘online’. Nan lo por skohe for di e oferta di hotelnan mas grandi i apartamentu na Kòrsou. Tambe a regla servisio èkstra pa risibí karchi di festival direktamente na yegada na aeropuerto òf hotel i transporte pa e hotèlnan di hospedahe.
  
Pa bishitantenan for di Hulanda i Sürnam tin areglo di biahe ku ta inkluí: buelo, estadia, transferensia i karchi di entrada pa festival. Pa mas informashon subi nos site: www.curacaonorthseajazz.com òf direktamente nos nos partner di biahe eksklusivo Does Travel & Cadushi Tours, WWW.CARIBBEAN.NL, mail tour@doescadushi.com 

Fundashon Bon Intenshon ta hasi Curaçao North Sea Jazz Festival posibel.

Algun siman pasá ku orguyo kaba nos por a anunsiá presensia di Santana i Rubén Blades, entretantu tin hopi mas artista konosí pa e próksimo edishon di Curaçao North Sea Jazz festival. Djabièrnè 31 di ougùstus ta presentá tambe Caro Emerald, Jill Scott i Buika. Su siguiente dia Randy Crawford & Joe Sample Trio, Waylon, Paquito D’Rivera i India.Arie a konfirmá. Spesialmente pa e di tres edishon di Curaçao North Sea Jazz, Sergio George a forma un banda pa e okashon akí: Sergio George’s All Star Salsa Friends. Nada ménos ku: El Canario, Servando y Florentino, Cheo Feliciano, Andy Montañez, Luis Enrique, Ivy Queen, Aimee Nuviola, Johnny Rivera, Willy Garcia i Willie Chirino lo presentá huntu ku Sergio George. E espektativanan ta haltuawor ku e titannan akí ta uní den un banda.

Caro Emerald a pasa un pasá i yega na tòp na Hulanda ku su sengel Back It Up. Esei a bira un hit enorme i su disko siguiente A Night Like This a skor ainda mihó. Su álbùm di debut Deleted Scenes From The Cutting Room Floor a aparesé number 1 riba e lista di hit i el a permanesé asina largu ku el a surpasá un rekòrt anterior ku tabata di Michael Jackson su Thriller.  Aña pasá Caro Emerald a konkistá mundu i e zomer akí por mir’ é na Curaçao North Sea Jazz festival. E kantante di Soul Jill Scott di  Philadelphia a kuminsá su karera komo artista den e genero di    ‘spoken-word’. E drùmer di The Roots, Ahmir ‘?uestlove’ Thompson a deskubrié. Ku su cd ku kua el a debutá Who is Jill Scott? Words and Sounds Vol. 1 el a bira ún di e representantenan mas importante aktual di soul. E di tres dama ku ta presentá djabièrnè ta Buika, un kantante spañó ku ta meskla diferente estilo (flamenco, copla, jazz, rumba, soul) i ku por skuch’é tambe komo vokalista riba e pistanan kasero. Buika a kuminsá kanta i duna presentashon den klupnan na Mallorca, kaminda el a nase. Ya e tin tres álbùm riba su nòmber i el a traha tambe ku Chucho Valdés, huntu nan a bini ku e produkshon El Ultimo Trago.

Pa djasabra tin konfirmashon di Waylon, na promé lugá el a bira konosí na Hulanda pa su partisipashon na e programa di televishon Holland’s Got Talent. Waylon tabata e promé artista hulandes ku a keda firmá pa e famoso label Motown. Ku su promé sengel Wicked Ways el a skor un hit grandi i su álbùm di debut Wicked Ways a bira oro. Aña pasá su di dos álbùm  After All a sali. E cubano Paquito D’Rivera ya ta presentando for di dia ku e tabatin sheta aña. Na prinsipio di añanan 70 e ta lanta huntu ku pianista Chucho Valdés Orquesta Cubana de Música Moderna. Den e añanan siguiente e músiko simpátiko akí a graba mas di 30 solo álbùm i el a gana no ménos ku 9  Grammy Awards. Randy Crawford & Joe Sample Trio, pianista Joe Sample a deskubrí na prinsipio di añanan setenta e kalidatnan superior di kantante Randy Crawford, ora el a mir’é den e antesala di George Benson. E kantante tímido a para drei bira rònt, pero ora el a habri su boka, mundo di Sample a kambia. E kos ei tabata asina inkreíbel. Ta manera ku tabatin un angel ta zuef dor di sala. For di e momento ei mi tabata sa ku su destino tabata den mi man. Ora ku su banda The Crusaders kier a bai graba e disko Street Life, Sample tabatin ún kantante den su kabes: Crawford.  India.Arie su cd di debut Acoustic Soul a keda konsiderá komo e mihó álbùm di soul di 2001 i el a risibí no ménos ku shete nominashon pa Grammy. E kantante ta haña elogio pa su sonidonan kaluroso i su tekstonan ku ta inspirá ku ta deskribí tantu su propio bida komo e asuntunan sosial ku ta rondó di dje. 

CURAÇAO NORTH SEA JAZZ FESTIVAL

djabièrnè 31 ougùstùs ku e.o. Santana, Rubén Blades, Jill Scott, Sergio George’ All Star Salsa Friends, Buika, Caro Emerald en Dizzy Gillespie All-Star Big Band lead by Paquito D’Rivera , na World Trade Center, Piscadera Bay.

Djasabra 1° sèptèmber 2012 ku e.o. Randy Crawford & Joe Sample Trio, Waylon, Paquito D’Rivera Septet, India.Arie, Joshua Redman with Aaron Parks, Matt Penmand and Eric Harland: James Farm,
World Trade Center, Piscadera Bay.

Konsierto grátis:

26 ougùstùs Brionplein: Kirk Franklin & The Family

27 ougùstùs Brionplein:  Richie Ray & Bobby Cruz

Benta di karchi pa Curacao North Sea Jazz ta kuminsá djaluna 2 di aprel benidero

Karchinan ta optenibel na e puntonan di benta: Mensing Caminada, Mobile Planet, Tik Tak(solamente credit card i maestro), 24 Uur Uit de Muur (credit card, maestro i kèsh). Eposibilidat ta eksistí pa for di 1° di febrüari pa kuminsá reservá karchi via 522-JAZZ.

Pago na kuota ta posibel ku nafl 15.00 na gastu di atministrashon èkstra. 

Karchi ta $ 195.00 òf Nafl 354.90, pa dia inkluso ob.

Areglo di biahe(tambe karchi di entrada) ta for di 25 di febrüari na benta via nos partner di biahe eksklusivo  Does Travel & Cadushi Tours: www.caribbean.nl

Benta internashonal di karchi di festival ta kuminsá for di 1° di febrüari próksimo.

For di 1° di febrüari ya kaba bishitantenan internashonal lo por kuminsá hasi reservashon online pa karchinan lòs di festival i nan akomodashonnan i tambe hasi nan pago. Nan lo por skohe for di e oferta di hotelnan mas grandi i apartamentu na Kòrsou. Tambe a regla servisio èkstra pa risibí karchi di festival direktamente na yegada na aeropuerto òf hotel i transporte pa e hotèlnan di hospedaje.   

Pa bishitantenan for di Hulanda i Sürnam tin areglo di biahe ku ta inkluí: buelo, estadia, transferensia i karchi di entrada pa festival. Pa mas informashon subi nos site: www.curacaonorthseajazz.com òf direktamente nos nos partner di biahe eksklusivo

Does Travel & Cadushi Tours, www.carribean.nl, mail tour@doescadushi.com