Ta posibel for di dia 15 di mei te djaluna 6 di ougùstùs pa hasi petishon pa prensa via e website akí. En bista di e gran interes di e edishonnan anterior probablemente nos lo no por akreditá tur hende. Ora ta hasi e selekshon ta mira entre otro na e alkanse di e publikashon i promoshon preliminar pa Curaçao North Sea Jazz Festival.
Akreditashon
Bon biní na e página di prensa di Curacao North Sea Jazz. Aki bo por hasi petishon pa akreditashon pa ún òf mas dia di festival. Komo ku tin hopi interes pa e festival, nos ke supliká bo pa yena e formulario aki bou.
REGLAMENTU
1. AKREDITASHON GENERAL
E akreditashon ta intenshoná pa periodista ku ta traha riba e tereno di arte i kultura en general, i muzik (di jazz) en partikular. Akreditashon ta ser otorgá solamente na profeshonalnan ku riba enkargo di medionan di komunikashon rekonosé ku ke bai hasi reportahe di e festival. Ku tur esei por ta posibel ku mester hasi un selekshon den kaso ku e interes ta demasiado grandi.
2. DEADLINE: 6° OUGÙSTÙS 2012
Bo mester presentá bo mes promé ku 6° di ougùstùs 2012 pa akreditashon.
3. USO DI AKREDITASHON
Bo tin mester di e karnèt di akreditashon pa haña akseso na e lokalidat di prensa na e festival i na konferensianan di prensa durante e festival. E akreditashon ta estriktamente personal, pues no por traspas’é pa otronan. Den kaso ku konstatá mal uso ta revoká e akreditashon, i ta konfiská e banchi di pòls i/o e karnèt. E prueba di akreditashon lo no por wòrdu kambiá durante e festival, den kaso di ladronisia òf pèrdida i ta solamente bálido pa e edishon di festival akí.
4 PETISHON PA AKREDITASHON
Por hasi petishon pa haña akreditashon via e formulario ofisial. Bo mester yena e formulario di petishon kompletamente; tur e áreanan ta obligatorio. E organisashon no ta tuma formularionan ku no ta kompletamente yená den tratamentu.
5. MANEHO RELASHONÁ KU PERIODISTANAN ‘FEEELANCE’.
Periodistanan ‘freelance’ ta bini solamente na remarke si nan ta traha pa medionan di komunikashon rekonosé i ku ta kumpli ku tur e otro rekerimentunan. Mira pa esaki tambe punto 1.
6. NOTIFIKASHON
Dos siman promé ku e festival kuminsá bo ta risibí notisia si bo a haña akreditashon sí òf nò.
7. FOTOGRAFIA
Potrètnan di ambiente di e festival por ser saká dor di fotógrafonan ku a risibí un karnèt di prensa di nos. Presentashonnan di e artistanan sinembargo por ser saká solamente despues di outorisashon di management di e organisashon. Nos ta pidi esei na e artistanan i den mayoria di kaso nan ta duna outorisashon pa saka potrèt durante e promé tres númeronan, sa sosodé tambe ku e outorisashon NO ta bini. Mas aleu ta importante pa sa ku e artistanan ke ser fotografiá PERO SIN ‘flash’. Si saka potrèt tòg ku ‘flash’ lamentablemente bo mester bandoná e ora ei e lugá destiná pa saka potrèt.
8. VIDEO I GRABASHON DI SONIDO
Por graba imágen i sonido solamente ku outorisashon di management di e organisashon. Esaki por ser pidí serka e kompania diskero en kestion òf bo por menshoná esaki den bo petishon pa haña akreditashon i nos lo presentá e ora ei bo petishon na esnan konserní.
