Usher lo ta
na Kòrsou
pa North Sea
Jazz Festival!

A kaba di bira konosí ku e 8 biaha ganadó di Grammy Award i 17 biaha ganadó di Billboard Award, Usher lo duna un konsierto djasabra 31 di ougùstùs durante Curaçao North Sea Jazz Festival! Ku Usher nos a kaba di kompletá e impreshonante programa di festival. Anteriormente nos a anunsiá Diana Ross, The Roots, Marc Anthony, Toto, Luis Miguel i hopi otro mas.

Usher a bende mundialmente 50 mion di álbum, Billboard a yam’é e artista mas eksitoso di 2000 – 2010. Su álbum ku a bende miones di dje Confessions (2004) ta notá komo e mihó solo-álbum di e dékada ei. Usher tabatin na Merka no ménos ku nuebe loke ta ser yamá Hot 100 Number One Hits i diesshete Hot 100 Top Ten Singles. (diez mihá sengelnan)

Usher a traha anteriormente ku artista manera Beyonce, Alicia Keys, Shakira, Jay-Z i hasta ku Enrique Iglesias. Usher ta tur kaminda, e ta presentá na Broadway pero tambe durante Super Bowl. El a realisá su mes ku éksito ta trese tambe responsabilidat kuné. Usher a demostrá di ta un forsa filantrópiko importante. Su New Look Foundation, fundá na 1999, ta yuda hóbennan pa bira lider. Komo rekonosimentu pa su prestashonnan, Usher a keda honrá dor di Boys & Girls Clubs of America, Trumpet Foundation, Do Something, NAACP, i komo e 2010 Ford Freedom Award Scholar.   

Riba su di shete studio álbum, Looking 4 Myself, Usher a tuma pasonan di kurashi inesperá riba tereno musikal. Pa e álbum akí Usher a traha ku un eskala amplio di produktor i artista, entre nan Diplo, Swedish House Mafia, Max Martin, will.i.am i Empire of the Sun. E kooperashonnan ei i su propio ròl aktivo komo outor di teksto di kansion a kondusí na un álbum ku e asina yamá:’ Electro Dance Beats, kombiná ku e sonido típiko di Usher- R&B, pop i hiphop.