CD di
Salsa Giants
a keda lansá

Durante e di tres edishon di Curaçao North Sea Jazz Festival dia 31 di ougùstùs di aña 2012, 10 nòmber grandi di mundu di salsa a bini huntu pa di promé bes riba e mesun tarima pa un reunion úniko bou di direkshon di produktor Sergio George. E grupo bou di nòmber Sergio George’s All Star Salsa Band, konsistiendo di Marc Anthony, Oscar de Léon, Cheo Feliciano, Willy Chirino, Charlie Zaa, Jose Alberto ‘El Canario’, Tito Nieves, Nora di ‘Orquesta de la Luz’, Luis Enrique i Andy Montañez, a fasiná un multitut di 12.000 hende riba e anochi ya legendario ei.

E dokumental di direktor fílmiko Pablo Croce, ku grabashonnan bibu filmá durante CNSJ, ku ensayonan backstage kaminda chispanan musikal tabata spat kandela, material di imágen di archivo i entrevista ku e artistanan, a haña su estreno durante Curaçao International Film Festival Rotterdam na aprel di aña 2013.

Djaweps 27 di yüni 2013, na Barbara Beach Resort na Curaçao, Salsa Giants CD/DVD, di produktornan ehekutivo Gregory Elias, Sergio George i Pablo Croce, ku e filmashonnan original bibu i e imágennan di e konsierto a keda ofisialmente presentá na públiko. Rebibá e anochi históriko ei di 31 di ougùstùs 2012 ku e CD/DVD aktualmente ta optenibel via iTunes, bo diskotekta favorito i online via Amazon.com i Bol.com.

Tracks di e álbum akí por keda skuchá riba  www.salsagiants.com