Adishon nobo:
Maná,
Chic featuring
Nile Rodgers
i mas.

Ku gran orguyo nos ta anunsiá awe regreso di dos gran favorito di públiko. Maná ku lo pone Kòrsou 29 di ougùstùs atrobe na kandela i Chic featuring Nile Rodgers. Tambe por anunsiá binida di Dianne Reeves i Maceo Parker riba djabièrnè i Chaka Khan, Sierra Maestra i Dr. John & The Nite Trippers riba djasabra. Anteriormente ya nos a konfirmá ku Bruno Mars i Juan Luis Guerra lo bini e di sinku edishon di e festival. Banda di tur eseinan tin riba djárason 27 di ougùstùs e konsierto konfirmá di José James na Brakapoti mei mei.

Ku e banda mehikano Maná ta un di e bandanan latino-merikano mas grandi na mundu, a resultá durante nan presentashon na e festival di 2012. For di dilanti te patras nan a impreshoná tur hende ku nan kuater Grammynan, shete Latin Grammy i sinku MTV Award latino-merikano riba nan nòmber i ku mundialmente nan tin mas di 35 mion álbum bendí. E gritu pa nan regreso ya a kuminsá promé ku e banda a bandoná nos isla.

Na su promé bishita na e festival Nile Rogers ku Chic a sa di sin muchu esfuerso pone tur hende move. Loke tampoko ta nada straño ku su kolekshon di hit ku ta imponé, loke ku el a skor ku Chic i ku otro artista. El a pone un éksito gigantesko aserka aña pasá ku su kolaborashon na e hit di aña, Get Lucky huntu ku Daft Punk i Pharrell Williams.

Dianne Reeves ta ser konsiderá for di final di añanan 80 komo un di e mihó kantantenan di jazz na mundu; un digno ‘susesor’ di Dinah Washington i Carmen McRae. Reeves komo mucha a kuminsá toka piano i finalmente a desaroyá su mes pa bira un intérprete superior di teksto di kansion i kantante ‘scat’ bendishoná. El a eksplorá tambe áreanan pafó di jazz, ta asina ku el a traha ku Sergio Mendes i el a hasi gira ku Harry Belafonte.

"Maceo, blow your horn!" E mensahe ei so mester ta sufisiente pa yena kualke sala, pero pa esnan ku te ainda no sa: saksofonista Maceo Parker tabata e asina yamá ‘sideman’ fiho di James Brown. Huntu ku Pee Wee Ellis i Fred Wesley el a forma the JB Horns. Den añanan 60 i 70, por tende e sonido indiskutibel di Maceo riba e promé hitnan grandi manera: Papa's Gotta Brand New Bag, Lickin' Stick i Cold Sweat. For di e tempu ei e mes ta un strea i e ta representá muzik di ‘funk’ di e mihó sorto.

Sierra Maestra for di Havana ta un di e intérpretenan mas importante di ‘son kubano’. E konhunto di 9 persona ku tin su nòmber di e seru kaminda ‘son’ a originá, a bini pa promé bes huntu na 1976 bou di direkshon di Juan d' Marcos. Entre tanto e banda dor di su dedikashon na e repertorio di artista manera Arsenio Rodríguez di un banda i nan propio komposishonnan di otro banda, komo banda a bira kuidadónan artístiko di un tradishon, pero tambe di renobadónan briante.

E karera musikal di Chaka Khan entre tantu ya pa kuater dékada, den kua el a gana dies Grammy i mundialmente a bende alrededor di 200 mion álbum. Khan a bira konosí den añanan setenta komo dama di ‘front’ di e banda funk Rufus, promé ku el a bira un strea solista. Su álbum kaminda el a debutá a sali na 1978 i tabatin e hit I’m Every Woman, ku despues a ser siguí pa sengelnan manera: I Feel For You i Ain’t Nobody (ku Rufus).

Malcolm John ‘Mac’ Rebennack, Jr., mihó konosí komo Dr. John ta un pianista talentoso di boogie i blues ku un stèm di papel di glas for di e origen di jazz, ku ta New Orleans. Su repertorio ta kore for di muzik di ‘voodoo’ pa kua el e meskla R&B di New Orleans ku rock i festividatnan di Mardi Gras, pa bira e bluesnan tradishonal i R&B. Su karera musikal ta enserá mas di sinku dékada, kaminda el a graba mas di binti álbum i el a gana seis Grammy.

Aktualmente kuerpo di maneho ta papiando ku diferente artista pa kaba di kompletá e alineashon di Curaçao North Sea Jazz 2014.