Betty Wright
ta remplasá
Melody Gardot

Lamentablemente Melody Gardot a kanselá su partisipashon na e di 7 edishon di Curaçao North Sea Jazz i den mésun rosea nos ta kontentu di por anunsiá un otro tremendo kantante ku lo remplasé. Djabièrnè 2 di sèptèmber Betty Wright lo ta riba stage Celia.

Ku tres aña Betty Wright a kuminsá kanta den un grupo di gospel di famia. Ku 13 aña e la saka su promé disko i na edat di 14 aña su promé piesa a subi Top 40 ku e eksito Girls Can’t Do What the Guys Can Do. Ku 18 aña e la risibí su promé disko di oro i mientras tantu ya e ta tin un Mega Hit ku Clean Up Woman i e tabata reina di Miami Soul sound. Ora ku soul ta “in” den e milenio aki, Betty Wright ketu bai ta riba tour. Den 2011 e la saka su eksitoso disko The Movie, den koperashon ku e grupo hiphop The Roots. I awor, 40 aña despues di su disko di oro e “Clean Up Woman” ketu bai sin problema ta bari tur konkurensia for di stage.