Fundashon
“Fundashon
Bon Intenshon”

Desde su fundashon, e Fundashon, for di un kompromiso sosial a apoyá vários proyekto riba tereno di edukashon, kultura, deporte, pobresa, salú y turismo. E enfoke di sosten ta partikularmente pa krea mihó oportunidat pa e hóbennan den situashon  desbentahoso. Ademas di esaki a invertí pa medio de kampaña publisitario dirigí riba transmishon di un aktitut positivo riba e Antiano aktivo i talentoso den Reino.

Curaçao North Sea Jazz Festival i Curaçao International Filmfestival Rotterdam (CIFFR) ta dos proyekto úniko ku Fundashon Bon Intenshon a sa di realisá. 

Fundashon Bon Intenshon ke trese Kòrsou na un manera grandioso i espektakular bou di atenshon di komunidat (inter)nashonal. For di dia ku el a keda fundá, F.B.I., for di su kompromiso i enbolbimentu sosial a sostené mas proyekto riba tereno di enseñansa, kultura, deporte kombatimentu di pobresa, kuido i turismo. E asento di sosten ta prinsipalmente riba tereno di krea mihó oportunidat pa hóbennan den situashonnan di retraso. Un bunita ehèmpel di esei ta Curaçao Soccer Academy, un akademia di futbòl kreá spesialmente pa hóbennan. Talentonan hóben ta haña kasi diariamente entrenamentu di futbòl i banda di esei nan ta risibí guia riba tereno personal i ku nan tareanan pa kas. Un proyekto úniko den henter nos region. Mira tambe www.curacaosocceracademy.com. Banda di e proyektonan ta hasi tambe invershon den kampaña publisitario pa enfoká tambe notisianan positivo di antianonan talentoso dentro di Reino Hulandes.
 
Curaçao North Sea Jazz Festival ku ta ser organisá dor di  Fundashon Bon Intenshon den estrecho kooperashon ku Mojo Concerts ta hasi un konekshon perfekto. E taya internashonal di e festival ta trese tur aña mas ku dies mil bishitante na nos isla. E bishitantenan ta gosa no solamente di e festival pero tambe pa e hospitalidat di Kòrsou. Ta trese e isla Kòrsou den tur su aspektonan na un manera espesial bou di atenshon di e fanátiko internashonal di muzik.