FAQ

Unda e festival ta tuma lugá?
Curaçao North Sea Jazz ta tuma lugá riba e tereno di World Trade Center na Piscadera Bay den serkania  di kapital di Kòrsou Willemstad.

Kuantu podio tin?
Tin na tur tres podio di kua dos ta parti pafó i 1 podio ta paden di World Trade Center.

Tin lugá di sinta?
Tin lugá di sinta na e podio di paden, pa e otro dos podionan no tin meskos ku paden lugá di sinta direktamente. Pero pafó tin diferente lugá di sinta rondó di e puntonan di horeka i tin tambe lugá di sinta den e tribunanan a lo largu di e podionan.

Ta permití mucha drenta e festival?
Nos no tin un polítika di edat mínimo, pero nos no tin un preis spesial pa mucha. Tur hende ta paga e preis ku ta stipulá.

Ta permití pa bini e konsierto ku bo mes konsumo?
Nò, esei no ta permití . Na e festival tin hopi establesimentu di horeca ku un variedat di oferta pa kosnan di konsumo.

E festival ta atmisibel pa personanan ku hèndikèp físiko?
Henter e área di e festival ta atmisibel pa personanan ku desabilidat/hèndikèp  físiko i kada hal ta perfektamente atmisibel pa usuarionan di ròlstul.

Bai Curacao North Sea Jazz ku kámara?
Hopi amante di muzik ku ta bini Curaçao North Sea Jazz Festival, lo tin gana di inmortalisá nan artistanan favorito ku nan mes kámara. Esei ta un bon rekuerdo pa nan kas, i pa nan futuro generashon, esei nos tur ta komprondé perfektamente. Sinembargo un atvertensia aki ta na su lugá: no ta tur artista ta apresiá pa for di públiko saka nan potrèt durante e konsierto. E organisashon di e festival ta risibí kada aña hopi petishon pa vigilá pa esaki no sosodé.

Pa e motibu ei nos ta hiba e siguiente maneho pa loke ta trata kámara: solamente fotógrafonan di prensa akreditá por bini ku nan kámaranan fotográfiko profeshonal pa saka potrèt òf pa saka pelíkula profeshonal durante e festival. Otro aparato di grabashon i kámaranan ku lènsnan ku por monta i kita no ta ser permití. Bishitantenan di festival por bini ku nan kámara di imágen chikí.